நலம் காக்கும் இளநீர்
இயற்கை கொடுத்த அற்புதக் கொடைகள் ஒன்று இளநீர் .
இயற்கை குளிர்பானமான இளநீர் வெயிலுக்கு சிறந்த பானம் .
இளநீரில் எண்ணற்ற மருத்துவ பயன்கள் அடங்கியுள்ளன என்பதால் அது தனி சிறப்பு .
தினமும் காலை வெறும் வயிற்றில் இளநீர் குடித்தால் அதில் இருக்கும் லாரிக் அமிலம் நமது உடலுக்கு தேவையான நோய் எதிர்ப்பு சக்தி மற்றும் எடை குறைவு பிரச்சனையிலிருந்து விடுபடுதல் போன்ற பலன்களை தருகிறது.
உடற்பயிற்சி செய்பவர்கள் உடற்பயிற்சிக்கு முன்பு அல்லது பின்போ இளநீரை குடிக்கலாம்.
இதனால் உடற்பயிற்சி செய்வதன் பலனை மேலும் அதிகரிக்க செய்கிறது.
மதிய உணவுக்கு முன்பு அல்லது பின்பு இளநீர் குடிப்பதால் உடல் சூடு தணிக்கப்படுகிறது.
மேலும் செரிமான சிக்கலை உடனடியாக சரி செய்யும் சக்தி இளநீருக்கு உண்டு.
இரவு படுக்கைக்கு செல்லும் முன் இளநீர் குடிப்பது நல்லது. ஏனெனில் விரைவில் இனிமையான உறக்கத்தை பெறுவதற்கு இளநீர் முக்கிய காரணியாக செயல்படுகிறது.
நமது இதய துடிப்பை சீராக இருக்கச் செய்கிறது.
இளநீரால் என்னென்ன பயன்கள் கிடைக்கும்
இளநீர் குடித்தால் ரத்தம் சுத்தமாவதோடு மட்டுமல்லாமல் கல்லீரல் நன்றாக இயங்கவும் உதவுகிறது.
பெண்களுக்கு மாதவிலக்கின் போது ஏற்படும் அடிவயிற்று வலிக்கு இளநீர் ஒரு சிறந்த மருந்தாக செயல்படுகிறது.
பேதி, சீத பேதி, ரத்த பேதி உள்ளிட்ட பிரச்சனைகள் ஏற்படும் போது பிற உணவுகளை தவிர்த்து விட்டு உடனடியாக இளநீரைத் தொடர்ந்து பருகிவர உடல் அசதி மயக்கம் போன்றவை வராமல் உடல் நலனை பார்த்துக் கொள்ளலாம் .
சிறுநீரகக் கல், சிறுநீர் குழாய் பாதிப்பு போன்ற சிறுநீர் கோளாறுகள் வந்துவிட்டால் அதிலிருந்து மீளவும் நிவாரணம் பெறவும் இளநீர் அருமருந்தாக பயன்படுகிறது.
டைபாய்டு, மலேரியா, மஞ்சள் காமாலை, அம்மை நோய்கள் போன்றவற்றால் பாதிக்கப்படும்போது இளநீரை தாராளமாக குடிக்க வேண்டும்.
இளநீர் வயிறு மற்றும் குடல் தொடர்பான பிரச்சனைகளுக்கு முற்றுப்புள்ளி வைக்கும்.
வயிற்று பொருமல், வயிறு உப்பசம், குமட்டல், பசியின்மை உள்ளிட்ட நலக்குறைவையும் சீர்செய்யும்.
இளநீரை தொடர்ந்து பருகி வந்தால் சருமத்தின் ஈரப்பதத்தை நீண்ட நேரத்திற்கு தக்க வைத்து சருமத்தை பாதுகாக்கும் .
இளநீரில் ஆன்ட்டி பாக்டிரியல் மற்றும் நோய் எதிர்ப்பு சக்தி அடங்கி இருப்பதால் வைரஸ் தாக்குதலுக்கு நல்ல மருந்தாக இது அமைகிறது.
இளநீர் சுண்ணாம்பு சத்து நிறைந்திருப்பதால் எலும்புகளின் வளர்ச்சிக்கும், உறுதிக்கும் பெரிதும் உதவுகிறது.