இதை மனதில் வைத்துக் கொள்ளுங்கள்.
திருமணத்தில் மணப்பெண் மணமகன் எவ்வளவு முக்கியமோ அதுபோல மணமகன் , மணமகளின் உடையும் பார்க்கிறவர்களை கவர வேண்டும் என்றுதான் அனைவரும் நினைப்பார்கள்.
அதற்கு நாம் சரியான பொருத்தமான உடைகளை தேர்வு செய்ய வேண்டும்.
குறிப்பாக நம் நிறத்திற்கு ஏற்ப.
திருமணம் என்கிற நிகழ்வில் மணப்பெண் தான் கதாநாயகி. அத்தனை பேரின் பார்வையும், கவனமும் அவள் மீதுதான் இருக்கும். கொஞ்சம் அலட்சியமாக இருந்தாலும் அடுத்தவர் கண்களை உறுத்தும். அதற்காகத்தான் திருமணத்திற்காக புடவை முதல் மேக்கப் வரை பார்த்து பார்த்து செய்வார்கள்.
என்னதான் இன்றைய திருமணங்களில் நாகரிக மோகம் தலை நீட்டினாலும் இன்னமும் முகூர்த்தத்துக்கு மட்டும் பாரம்பரிய உடை மற்றும் நகைகளை தான் பலரும் விரும்புகிறார்கள் .
மேக்கப், ஹேர் ஸ்டைல் ,ட்ரையில் பார்ப்பது போல புடவைகளையும் எப்படி பார்க்கலாம் என்று தெரிந்து கொள்ளுங்கள்.
மேட்சிங் புடவைகள்
திருமண சடங்குகளுக்கு ஏற்ற மேட்சிங் புடவைகளை தேர்வு செய்ய வேண்டும். திருமணத்திற்கான புடவைகள் வாங்கும் போது புதிய மாடல்களை தேர்வு செய்யலாம். ஒல்லியான உடல்வாகு கொண்டவர்கள் எடை குறைவானதும், கற்கள் பதித்த புடவைகளை தேர்ந்தெடுக்கலாம்.
வெளிச்சம்
டபுள் ஷேடு புடவைகள் பகல் வெளிச்சத்தில் ஒரு மாதிரியாகவும், இரவு வெளிச்சத்தில் வேறு மாதிரியும் தெரியும். அதனால்புடவையையும் நகையையும் பகல் நேரத்தில் பார்த்து வாங்க வேண்டும்.
நிறம்
முகூர்த்தத்துக்கு பெரும்பாலும் மெரூன், பச்சை அல்லது மாம்பழம் போன்ற பாரம்பரிய நிறங்களைதான் தேர்வு செய்வார்கள். அவ்வாறு தேர்வு செய்யும்போது பழமையும் புதுமையும் கடந்த டிசைன்கள் இன்று நிறைய இருப்பதால் அதனை தேர்வு செய்யலாம்.
அதிக வேலைபாடு கொண்ட புடவைகளாக இருந்தாலும் மணப்பெண்ணின் நிறம், உடல்வாகு அடிப்படையில் வாங்கினால் சரியாக இருக்கும்.
பிளவுஸ்கள்
புடவைக்கான மேட்சிங் பிளவுஸ்களை தேர்வு செய்வதுதான் மிகப்பெரிய வேலையாக உள்ளது. வேலைபாடுகள் அதிகம் நிறைந்த புடவைகளுக்கு ப்ளூ சீன் ஓரங்களில் மட்டும் வேலைப்பாடு செய்யப்பட்டு இருந்தால் பொருத்தமானதாக இருக்கும்.
அதே போல் பிளைன் நிறங்களில் இருக்கும் பார்டர் புடவைகளுக்கு அதிக வேலைப்பாடு கொண்ட பிளவுஸ்கள் அணிந்தால் அழகான தோற்றத்தை தரும்.
புடவைகளுக்கு ஏற்ற மேட்சிங் பிளவுஸ்களும் உள்ளன. அதையும் அவரவரின் அளவிற்கு ஏற்ப தேர்வு செய்யலாம்.
நகைகள்
மேட்சிங் நகைகளை பொருத்தவரையில் பாரம்பரிய புடவைகளுக்கு டெம்பிள் ஜுவல்லரி நகைகளும், டிசைனர் மற்றும் ஃபேஷன் புடவைகளுக்கு, டிசைனர் நகைகளும் பொருத்தமானதாக இருக்கும்.
பூ அலங்காரம்
தலைக்கானப் பூ அலங்காரங்கள் கொண்டையோ அல்லது நீண்ட ஜடை அலங்காரத்திற்கோ தற்போது புடவைகளுக்கு ஏற்ற வண்ணங்களில் இயற்கை வளங்கள் கிடைக்கிறது.
பல வண்ணங்களில் கிடைக்கும் செயற்கை பூக்களை கொண்டும் அலங்காரம் செய்தால் பார்ப்பவர்கள் கண்களை கவரும் என்பதில் ஐயமில்லை.