எடை குறைப்பில் செய்யும் தவறுகள்

எடை குறைப்பில் செய்யும் தவறுகள்

உடல் எடையை குறைப்பதற்காக தீவிரமாக முயற்சி செய்தும் பலன் இல்லாமல் கவலைப்படுபவர்கள் அதிகம் .

சிறுவர்கள் முதல் பெரியவர்கள் வரை அனைவருமே உடல் எடை அதிகரிப்பால் பாதிக்கப்படுகிறார்கள்.

 எடையை குறைத்து தொப்பை இல்லாத ஜூரோ சைஸ் வயிறு என்பது பலரது கனவாக இருக்கிறது.

 இந்த நோக்கத்தில் பல முயற்சிகளை மேற்கொள்ளும் போது நம்மை அறியாமலேயே ஒரு சில தவறுகளை செய்கிறோம் .

அதுவே எடை குறையாமல் இருப்பதற்கு காரணமாக அமைகிறது.

 முதலில் மனது தயாரானாலும் எடை குறைப்புக்கு உடல் தயாராகுவதற்கு சிறிது கால அவகாசம் கொடுக்க வேண்டும்.

 உணவு கட்டுப்பாடு மற்றும் உடற்பயிற்சியால் தான் உடல் எடையை ஆரோக்கியமாக குறைக்க முடியும்.

 உடல் எடையை குறைக்க முயற்சிக்கும் போது பொதுவான தவறுகள் பற்றியும், சரி செய்யும் விதம் பற்றியும் இங்கே பார்க்கலாம்:

 உணவு குறைப்பு 

சிலர் உண்ணும் உணவைக் குறைப்பதற்காக வழக்கமாக சாப்பிடும் அளவில் நான்கில் ஒரு பங்கு சாப்பிடுவார்கள்.

 இதனால் பசி அதிகரித்து அவதிப்படுவார்கள் .

ஒரு கட்டத்தில் கட்டுப்பாடு இல்லாமல் அளவுக்கு அதிகமாக சாப்பிடுவார்கள்.

 அதனால் பிடித்த உணவை அதிகம் உண்ணாமலும் ,அதிகம் தவிர்க்காமலும் ,அளவாக சாப்பிடுங்கள்:

பழச்சாறு

 சிலர் உடல் எடையை குறைப்பதற்காக பழச்சாறு அருந்துவார்கள்.

 ஆனால் பழச்சாறுகள் உடல் எடை குறைப்பதற்கு உதவுவதை காட்டிலும் அதிக அளவு பசியை தூண்டிவிடும்.

 அதிவேக உடற்பயிற்சி 

உடல் எடையை வேகமாக குறைப்பதற்காக தொடர்ந்து அதிவேக உடற்பயிற்சியில் ஈடுபடுவதும் தவறு.

 இது உடல் எடை குறைப்புக்கு பதிலாக சோர்வை உண்டாக்கும்.

 மாடிப்படிகளில் ஏறி இறங்குதல், குனிந்து நிமிருதல், தோப்புக் காரணம் போடுதல் என தினசரி அரை மணி நேரம் எளிமையான பயிற்சிகள் செய்தாலே போதும் .

துரித உணவு தவிர்த்தல் 

துரித கொழுப்பு உணவுகளையும் உடனடியாக தவிர்க்கலாம்.

 உடல் எடையை குறைப்பதற்காக சிலர் உணவை குறைத்துவிட்டு நொறுக்கு தீனிகள் சாப்பிட்டு வயிறை நிரப்புவார்கள்.

 இதுவும் எடை குறையாமல் இருப்பதற்கு காரணமாகும்.

 உணவு கட்டுப்பாடு 

உணவு கட்டுப்பாட்டை ஓரிரு நாட்கள் பின்பற்றிய பிறகு இடையில் இரண்டு நாட்கள் பின்பற்றாமல் இருந்து மீண்டும் தொடர்வது எந்த பழமையும் கொடுக்காது .

எடையை குறைப்பதற்கு கருத்தில் கொள்ள வேண்டிய பிற விஷயங்கள்

 ஏழு முதல் எட்டு மணி நேர உறக்கம் அவசியம்.

 இரவு உணவு அளவாக இருக்க வேண்டும் .

நடைபயிற்சி மேற்கொள்வது சிறந்தது.

 ஒரே இடத்தில் உட்கார்ந்து இருக்காமல் அவ்வப்பொழுது எழுந்து நடக்கலாம்.