குட்டி குட்டி மருத்துவ குறிப்புகள்
சேற்றுப் புண்ணுக்கு கடுக்காய் அரைத்து தடவி வர குணம் தெரியும்.
பல்வலி குணமாக ஒரு வெற்றிலை, இரண்டு கிராம்பு சேர்த்து நின்று வலியுள்ள பல்லில் ஒதுக்கி வைத்துக் கொண்டால் குணமாகும்.
வாய் நாற்றம் போக வெந்நீரில் எலுமிச்சம் பழச்சாறு சேர்த்து வாய் கொப்பளிக்க வேண்டும் .
வாய்ப்புண் குணமாக சிறிது உப்பு கலந்த மோரினை வாயில் சிறிது நேரம் வைத்துக் கொண்டு துப்ப வேண்டும் ஒரு வாரம் இப்படி செய்ய வாய்ப்புண் குணமாகும்.
இரும்பல் குணமாக துளசிச் சாறு தேனுடன் கலந்து வெறும் வயிற்றில் சாப்பிட குணமாகும் .
வயிற்று வலி நீங்க நீரில் சிறிது சுக்கு பனங்கற்கண்டு கொதிக்க வைத்து சாப்பிட வேண்டும் .
மலச்சிக்கல் குணமாக இரவு தூங்குவதற்கு முன் இரண்டு பேரிச்சம் பழம் , ஆறு உலர் திராட்சைப்பழம் நீரில் இரவு போட்டு வைத்து காலையில் நீருடன் பருக வேண்டும்.
வாயு கோளாறு நீங்க மிளகை பொடி செய்து பெருங்காயத்தூள் சேர்த்து தினமும் சுடுநீரில் கலந்து ஒரு டீஸ்பூன் சாப்பிடலாம் .
தலைவலி குணமாக மிளகுப் பொடி உடன் வெல்லம் சேர்த்து சாப்பிடலாம்.
தலை சுற்றல் நிற்க பச்சை இஞ்சி சாறு தேன் கலந்து தொடர்ந்து 30 நாட்கள் சாப்பிட்டு வர வேண்டும்.
தலைபாரம் குறைய நல்லெண்ணையில் தும்பை பூவை போட்டு காய்ச்சி தலையில் தேய்த்து குளித்து வர குணமாகும்.
ரத்த அழுத்தம் கட்டுப்பட காலை மாலை இருவேளையும் அரை மூடி எலுமிச்சம் பழச்சாறு ரெண்டு அவுன்ஸ் எடுத்து வெந்நீரில் சேர்த்து இரண்டு தேக்கரண்டி தேனுடன் சாப்பிட்டு வர வேண்டும் .
தேனில் ஊறவைத்த நெல்லிக்காய் தினசரி ஒன்று சாப்பிட்டு வர நுரையீரல் இதயம் பலம் பெறும் .
கண் பார்வை தெளிவாக துளசியை இரவு தண்ணீரில் ஊற வைத்து காலையில் சாப்பிட்டு வரலாம்.
தொப்பை குறைய சுரக்காயை வாரம் இரண்டு முறை சாப்பிட வேண்டும்.
பருக்கள் மறைய ஜாதிக்காய் சந்தனம் மிளகு சேர்த்து அரைத்து தடவ குணமாகும் .
தொண்டை கரகரப்பு நீங்க சிறிது புழுங்கல் அரிசியுடன் 10 மிளகு சேர்த்து வாயில் அடக்கி சாற்றினை உறிஞ்சினால் குணமாகும் .
ரத்த மூலத்திற்கு வெங்காயத்தை நெய்யில் வதக்கி சாப்பிட்டு வரலாம்.
காய்ச்சல் உடனான வாந்தி நிற்க துளசிச்சாறு கற்கண்டு சேர்த்து சாப்பிடலாம்.